TAO arautzen duen ordenantza berriari esker, Euskal Herria kalean aparkaldi laburreko bi gune ezarri dira, ibilgailuen eta herritarren errotazioa bermatzeko. Igor Zapirain Ibarrako alkateak azaldu duenez, "herriko merkataritzari indarra ematea da aldaketaren helburu nagusia". Modu honetara, erosketa arinak burutzeko tartea eskainiko zaie herritarrei, eta maiztasunez ibilgailuen aldaketak emango dira. Urriaren 1etik aurrera jarriko da indarrean.
Aparkaldia, 20 minutukoa eta doakoa izango da, baina erabiltzaileek tiketa atera beharko dute, denbora tarteak azkarrak izatea bermatzeko. 20 minutuko aparkaleku hauek, Euskal Herria kaleko 12 A B C D E zenbakien parean eta 37, 39 eta 41 zenbakien parean ipini dira.