Ostiral iluntzean bi film ikusteko aukera izango da Ibarrako plazako estalpean. Haurrentzat Turuleka Oiloa filma eskainiko dute 20:30ean, eta helduentzat, berriz, Ez eskerrik asko! Gladysen leihoa filma, 22:30ean.
Doan izango dira bi saioak, baina, aurrez, gonbidapenak eskatu beharko dira. Pertsona bakoitzak gehienez launa gonbidapen jaso ahalko ditu eta eskuratzeko kultur etxean hartu beharko dira. Telefonoz ere erreserba daitezke, baina, ondoren, fisikoki jaso beharko dira gonbidapenak. 09:30etik 14:00etara egongo da zabalik kultur etxea, eta asteazkeneko ordutegia 09:30etik 16:00etara izango da. Gonbidapenak amaitzen diren arte banatuko dituzte.
Udaletik azaldu dutenez, 8 urtetik beherakoek heldu batekin joan beharko dute, eta 6 urtetik gorako guztiek musukoa derrigorrez eraman beharko dutela gogorarazi dute.