Tolosaldeko Mankomunitateak, Ibarrako Udalaren eskaeraz, pedalak jarri ditu organikoaren eta errefusaren edukiontzietan. Horrela, herritarrek ez dute zertan edukiontzia eskuarekin ukitu behar.
Ibarrako Udalak pedalen erabilera zuzena egiteko eskatu du: "Lehenik eta behin txartela pasa behar da irakurgailutik eta irekitzeko tarte motza utzi ondoren (segundo batzuk), hankarekin pedala zapalduz ireki behar da tapa. Garrantzitsua da irakurgailuari irekitzeko epe hori ematea, gainerakoan pedala apurtu egingo baita".