Izatez, San Bartolome eguna da gaur. Beste testuinguru batean, ospakizun eguna izango litzateke Ibarran, abuztuaren 21etik 25era antolatutako egitarauaren barruan. Aurten, ordea, ekitaldi guztiak bertan behera uztea erabaki zuten aparteko egoera zela eta.
Dena dela, Hauspoa elkarteak festetako zapiak etxeetako balkoietan eta leihoetan jartzeko deia luzatu du. Festarik ospatu ez arren, San Bartolome festetan daudela gogoraraztea izan da helburua. Deiari erantzunez, hainbat herritarrek zapiak zintzilikatu dituzte balkoietan eta leihoetan. Lan irudimentsuagorik hartu duenik ere izan da, kasurako, udaletxe pareko balkoi batean ikus daitekeen bandera:
Egoerara moldatuz
Egoerak behartuta festak bertan behera utzi badituzte ere, Alurr dantza taldeak ez dio uko egin nahi izan urtero egiten duten emanaldiari. Aurten, ordea, egoerara moldatuta eskainiko dute ikuskizuna. Zuzeneko emanaldi bat egingo dute Youtuben. Gaueko 22:15ean estreinatuko dute eta ikusgai egongo da ondorengo estekan: