Oporrak Bakean programa ezin izan da aurten antolatu, eta ondorioz, errefuxiatuen kanpalekuetan bizi diren haur sahararrak ez dira gurera etorri uda igarotzera. Bada, Tolosaldea Sahararekin elkarteak ez du sahararrekiko elkartasuna eteterik nahi, eta udako programa ez dela izango ikusita, bestelako ekimen bat antolatu du, sahararrek laguntza jasotzen jarrai dezaten. Hala, Zuek ezin baduzue etorri, gu joango gara proiektuarekin bat eginez, elkartasun karabana ari dira burutzen, herriz herri hezkuntza eta osasun materiala biltzeko. Atzo Ibarran —irudian— izan ziren, eta gaur, Ikaztegietako plazan izango dira, 17:00etatik aurrera. Etzi, berriz, Tolosan.
Tolosaldea Sahararekin elkartea elkartasun karabana egiten ari da, materiala biltzeko helburuarekin.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!