Edukiontziak berriro ere zabalik jarri dituzte Ibarran

Egoeraren garapena ikusita eta herritarren eskaerei erantzunez, edukiontziak berriro zabaltzeko erabakia hartu du udalak.

Herritarren babeserako segurtasun neurri moduan, edukiontziak ireki egin ziren martxoan. Ondoren, alarma egoera amaituta, itxi egin ziren eta herritarrek txartelaren bidez ireki behar zituzten errefusa eta organikoaren edukiontziak.

Orain, ordea, egoeraren garapena ikusita eta herritarren eskaerei erantzunez, berriz zabaltzea erabaki du Ibarrako Udalak. Koronabirusarekin kutsatutako kasuak agertzen hasi dira berriro, eta segurtasun neurriak hartzea "beharrezkoa" dela uste du udalak: "Edukiontziak irekitzean arazorik egon ez dadin, momentuz irekita utziko ditugu". 

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!