Larrialdi egoeran, osasun neurriak tarteko, organikoaren eta errefusaren edukiontziak zabalik uzteko erabakia hartu zuen Ibarrako Udalak. Gaurtik aurrera, ordea, itxita egongo dira, eta herritarrek txartela erabili beharko dute edukiontziak irekitzeko.
Tolosaldeko Mankomunitateak mantentze lanak egiten jarraituko du, eta pixkana joango dira herriko edukiontzi guztiak ixten.
Ibarrako Udaletik birziklatzen jarraitu dezatela eskatu diete herritarrei, eta bizilagunekin zein herriarekin arduraz jokatu eta zabor poltsak edukiontzietan sartzeko, ez lurrean uzteko.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!