Ibarran aparkatzeko guneak «ondasun urria» direla aipatu du udalak, eta aparkaleku horien aprobetxamendua interes orokorrekoa denez, erabiltzaile guztiei «berdintasunez» erabiltzeko eskubidea bermatu nahi diete. Modu berean, lege hausteak ekidin nahi dituzte.
Horretarako, herri barruko aparkaldia arautu nahi dute eta aparkaldi errotazionala ezartzea aurreikusi du udalak. Aldi berean, gehienezko aparkaldien epea ere zehaztu nahi dute. «Modu horretan aparkalekuen erabilera herritarren artean modu berdin eta orekatu batez kudeatu nahi dugu».
Udal ordenantzan behin betiko aldaketak egin aurretik, herritarren ekarpenak jaso nahi dituzte gaiaren inguruan. Udaletxeko erregistroan aurkeztu beharko dira ekainaren 25a baino lehen.