Aurten beteko ditu Alurr dantza taldeak 25 urte. Urteurrena ospatzeko, taldeak abesti bat kaleratu du bere sare sozialetan. Osasun larrialdia dela eta, bideoklip konfinatua egin dute momentuz, eta etxe barruan grabatutako bideo zatiekin, bi bideo osatu dituzte.
Izan ere, azaldu dutenez, parte hartzeak izandako «arrakasta» ikusita bi zatitan banatu behar izan dituzte irudiak. Taldekoek adierazi dutenez, ordea, kalera ateratzeko aukera dutenean bi- deoklip ofiziala grabatuko dute.
Eli Pagolak idatzitako letrei Manex Torrealdaik jarri die trikitiarekin doinua. Mikel Sanchez arduratu da bateria, gitarra eta baxua jotzeaz eta abesten honako kideak aritu dira: Kattalin Zubizarreta, Oihane Sarasola, Leire Romero, Mara Odriozola eta Izaro Urrestarazu.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!