Belabieta Kirol Klubak aste honetatik aurrera gimnastikako online saioak eskainiko ditu. Hasiera batean klubeko gimnastei zuzendutako saioak izango dira, eta bost talde sortu dira horretarako: prebenjamin, benjamin, alebin, infantil eta kadete-jubenil.
Talde bakoitzak astean ordu beteko saioa jasoko du Skype bidez. Egunei dagokionez, prebenjaminek eta infantilek asteazkenetan jasoko dute, benjaminek ostegunetan, alebinek astearteetan eta kadete-jubenilek ostiraletan.
Bestalde, apirilaren 27tik aurrera klubetik kanpoko neska-mutilei ere eskainiko zaizkie saio horiek, eta hauek ere doan izango dira. Izena emateko belabieta_ke@yahoo.es helbidera idatziz egin daiteke. «Ea jende berria ere animatzen den, gimnastika erritmikoa ezagutzeko aukera polita izan baitaiteke», azaldu dute Belabieta Kirol Klubetik. Informazio osoa https://belabieta.wordpress.com klubaren webgunean jaso daiteke.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!
