Ibarrako Udalak, Tolosaldea Garatzeneko Migrazio eta aniztasun sailarekin batera, atzerritarren legeari buruzko hitzaldi informatiboa antolatu du martxoaren 11rako, asteazkenerako. 19:00etan izango da, kultur etxean.
Hizlaria Eusko Jaurlaritzako Biltzen zerbitzu juridikoko, Integraziorako eta Kulturen arteko Bizikidetzarako Euskal Zerbitzuko aditu bat izango da.
Atzerritartasun paperen tramiteari buruzko hitzaldi praktikoa izango da. Lan munduan errotzea, gizartean errotzea, familia berrelkartzea, ikasketengatik egonaldia egitea, atzerritarrak kontratatzea, baimenak berritzea eta antzeko gaiak landuko dira.
Saio horiek atzerritarrekin loturak dituzten eta atzerritartasunari buruzko informazioa behar duten atzerritarrei zein nazionalei zuzenduta daude.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!
