Udaltzain postuen oinarriak Ibarrako Udalaren webgunean daude ikusgai. Eskera orriak ere bertatik deskarga daitezke. Astelehenean argitaratu zen deialdia Gipuzkoako Aldizkari Ofizialean, eta ordutik hasita 15 egun balioduneko epean aurkeztu beharko dira udal bulegoetan.
Eskatzaileek eskabidearekin batera, telefono zenbakia eta helbide elektronikoa eman beharko dituzte, eta horrekin batera deialdiko baldintzak eta merituak baloratzeko agiriak aurkeztuko dituzte.
Eskabideak aurkezteko epea pasa ondoren, hilabeteko epean argitaratuko dute izangaien eta baztertutakoen zerrenda, udaleko iragarki oholean eta web orrian. Baztertuek bost eguneko epea izango dute erreklamazioa aurkezteko.