Irakurzaletasuna sustatzen ibilbideari hasiera eman zioten Ibarran pasa den ostegunean. Lehen hitzaldia Imanol Mercerok eskaini zuen: Nola lagundu haurrari irakur-zale izaten? gaiari buruz aritu ziren gerturatutakoak. Hitzaldia guraso eta senideentzat bazen ere, irakasle asko gerturatu ziren, gaiaz interesatuta.
Ekindako ibilbide horri jarraipena emateko asmoz, ekintza ezberdinak antolatu eta aurreikusi dituzte. Hurrengo hilabeteetan, Imanol Merceroren eskutik Tertulia dialogikoak antolatuko dituzte. Seme-alaben adinak kontuan izanik, testu genero desberdinak landuko dira: komikia, ipuina… betiere euskaraz eta euskal idazle baten eskutik. Saioetan, irakurritakoaren inguruan arituko dira ordubetez.
Hilabetean bitan elkartuko da taldea eta maiatza arterainoko luzatuko dira saioak. Ibarrako Udaletik parte hartzera gonbidatu dituzte herritarrak. Izen ematea ireki dute, eta urtarrilaren 28ra bitarte egin ahalko da liburutegi sarreran nahiz liburutegian bertan. Taldea gehienez hamar lagunekoa izango da. Oraindik saioen egunak zehazteke daude; taldekideen arabera aukeratuko dira.