Urteroko ohiturari jarraituz eta urtea hastearekin batera, aste sorako egitasmoak prestatu dituzte Uzturpe ikastolakoek.
Astelehenean izango dute lehen ikuskizuna, Loatzo musika eskolakoen eskutik, eta igandean emango diote amaiera, Hernialdeko Mendigain mendira egingo duten txangoarekin. Gainerakoan, ostegunean izan ezik, egunero antolatu dute egitasmoaren bat. Aurten, Uzturpe ikastolak 50 urte beteko dituela eta, mahai ingurua antolatu dute astearterako. Urteurrenekin jarraituz, Alurr dantza taldeak 25 urte beteko ditu eta horren harira, Gure Altxorra ikuskizuna prestatu dute, ostiralean egiteko.
Egitaraua
Urtarrilak 27, astelehena
18:30. Loatzo musika eskolako ikasleen emanaldia, Ibarrako kultur etxean.
Urtarrilak 28, asteartea
17:30. Mahai ingurua kultur etxean: Uzturpe ikastolak 50 urte. Nondik gatoz?
Urtarrilak 29, asteazkena
17:30. Hitzaldia: Sare sozialak, bideo jokoak eta hauen erabilpen desegokiaren ondorioz sortzen diren ondorioak eta menpekotasunak. Hizlaria: Ainhoa Arruabarrena, Emoki taldeko kidea.
Urtarrilak 31, ostirala
20:00. Alurr dantza taldearen Gure Altxorra ikuskizuna, Ibarrako Belabieta kiroldegian.
Otsailak 2, igandea
Mendi irteera (Hernialde-Mendigain).