Euskal Herriko goma gaineko sokatira txapelketari, 8x8ko modalitatean, hasiera eman zaio asteburuan. Gizonezkoetan, 680 kilotan, zein emakumezkoetan, 540 kilotan, parte hartzen ari da Ibarra. Azkoitian egin da lehen saioa, eta gizonezkoetan zortzi talde ari dira lehiatzen eta Ibarrakoak laugarren geratu dira. Beti Gazte izan da lehenengoa, 21 punturekin; ondoren Zuraide A, 15 punturekin; Goiherrik 15 puntu lortu zituen, Ibarrak 13, Muruetak 4, Zuraide Bk 3, Abadiñok 2 eta 6 Conceyos asturiarrak 0.
Emakumezkoetan bost talde aurkeztu dira eta Ibarra azken lekuan geratu zen, punturik eskuratu gabe. Beste lauek ondorengo puntuak lortu zituzten: Beti Gaztek 10 puntu, Badaiotz 9 puntu, Txantrea 7 puntu eta Gaztedi 3 puntu.