Bigarren eta laugarren postuak Ibarrako sokatiralarientzat

Asteburuan erabaki dira Euskal Herriko goma gaineko lauko sokatira txapelketako irabazleak nortzuk diren. Zilarrezko domina eskuratu zuen Ibarrako talde batek, eta laugarren postuan geratu zen beste taldea.

Euskal Herriko goma gaineko lauko sokatira txapelketari amaiera eman diote asteburuan, Artziniegan. Modalitate mistoko txapelketa izan zen, bi neska eta bi mutilez osatutako taldea, 280kg-tan. Mistoa jardunaldi bakarrean erabakitzen da, arratsalde batean lortutako puntuazioarekin.  Ibarrako taldeak bi talde atera zituen lehiara: Ibarra A eta Ibarra B. Azken honek zilarrezko domina atera zuen, eta Ibarra A laugarren postuan geratu zen.  Urrezko domina lesakarrek lortu zuten.  
 

Sailkapena: 

1. Beti Gazte (Lesaka) 8 ptu
2. Ibarra B  7 ptu
3.Gaztedi (Laukiz) 6 ptu
4. Ibarra A  5 ptu
5. Berriozar 4 ptu
6. Bizindar B (Artziniega) 3 ptu
7. Antsoain 2 ptu
8. Bizindar A  (Artziniega) 1ptu
 
Bi asteko etenaldiaren ondoren, urtarrilaren 11an, Azkoitian emango diote hasiera zortzikoari. Neska zein mutilak hartuko dute parte kategoria handian:  540kg-koan neskak eta 680kg-koan mutilak.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!