Hondakin arriskutsuak Garbigunera joan beharrik gabe herrian bertan sailkatu eta kudeaketa egoki bat egiteko aukera eskaintzen dute birziklapen etxolek. Mantentze lanak medio, ostirala bitarte, etxolarik ez da egongo San Inazion.
Ia bost urte igaro dira Tolosaldeko Mankomunitatearekin batera bi etxolak jarri zituztenetik. Mantentze lanak egin beharrean aurkitzen zen San Inazio auzokoa eta aste honetan hartuko dute horretarako tartea. Aste amaieran, ostiralean, berriz ere leku berera bueltatuko da, herritarrek erabilera ematen jarrai dezaten.
Ibarrako Udalak eragozpenengatik barkamena eskatu eta bertara bota beharreko hondakin arriskutsuak ostirala bitarte gordetzeko eskatu du.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!