Emakumezkoetan ligaxka jokatu dute eta gaurkoa hirugarren eta azken jardunaldia izan da. Ibarrak bigarren postua lortu du eta bere aurretik sailkatu da Beti Gazte, bai gaurko jardunaldian zein sailkapen orokorrean. Beti Gaztek gaur 9 puntu lortu ditu, Ibarrak 6, Antsoainek 3 eta Bizindarrek 0. Ibarrako tiratzaileak gustura azaldu dira, bigarren postua defendatu ahal izan dutelako eta Beti Gaztekoei gerra pixka bat eman dietelako.
Gizonezkoetan bi talderekin lehiatu da Ibarra taldekoak, A eta B. Ibarra A taldeak lortu du bigarren postua, Beti Gazteren atzeti0k. Hirugarren Gaztedi izan da eta laugarren egin du Ibarra B taldeak. Ñapurrak izan da bosgarren eta seigarren Berriozar sailkatu da. Tiraldi gogorrena Ibarrako bi taldeen artean izan da, bakoitzak puntu bana lortuz. Ibarra Sokatira Taldekoak gustura geratu dira Belabieta frontoian egon den giroarekin.