Duela gutxi Gipuzkoako Odol Emaileen Elkarteak urtero egiten duen batzarra egin du, odol emaileek egiten duten ekarpena eskertzeko. Hori dela eta 25, 50 eta 60 odol emate egin dituzten pertsonei esker ona adierazi diete, medaila ezberdinak banatuz. Ibarrako odol emaileen taldetik 25 aldiz odola eman duten Maria Jose Odriozola eta Gloria Jauregik medaila bana jaso zuten, eta baita 50 aldiz odola eman duten Jose Otxoak eta Alenjandro Romerok ere.
Bide horretan, azken urteetan odol emaileen kopuruak behera egin duenez, herritar guztiak animatu nahi dituzte hemendik aurrera izango diren odol emateko aukeretan parte hartzeko, "odola emateak bizitza ematen duelako". Bihar izango da horretarako aukera, 18:30ean hasita.