Xabi Alonsori erdira jaitsi diote kartzela zigor eskaera

Tolosaldeko Ataria 2019ko urr. 10a, 18:48

Xabi Alonso futbolari ohiak epaiketa izan du Madrilen, ustez ogasunari bi milioi euroko iruzurra egiteagatik, 2010, 2011 eta 2012 urteetan, Real Madril taldeko jokalaria zenean.

Fiskaltzak bost urteko espetxe zigorra eta bost milioi euroko zigorra eskatzen zituen hasiera batean, baina, gaur, epaiketaren azken egunean erdira jaitsi du espetxe zigorra, bi urte eta erdira, hain justu. Epaiketaren lehen egunaren ondoren, Alonsok berak egindako adierazpenetan, bere errugabetasuna defendatu zuen, eta Fiskaltzarekin ez zegoela azken orduko akordiorik zehaztu zuen. Epaiaren zain geratu da orain auzia. Gaur egun Realaren bigarren taldeko entrenatzailea da Xabi Alonso.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!