Kultur lantegietan izena emateko epea luzatu egin dute Ibarran

Kultur lantegietan izena emateko tartea amaitu bada ere, talde ugari osatu gabe geratu direla eta, izena emateko epea luzatzea erabaki du Ibarrako Udalak.

Eskulanen taldeaz gain, beste honako ikastaroetan lekua dago oraindik izena eman nahi duenarentzat: sabel dantza (hastapena edo sakontzea), egur taila, ehoziriak, altzariak zaharberritzea eta konpontzea, eta pintura ikastaroa. Ikastaroen ordutegiak eta prezioak Ibarrako Udalaren webgunean kontsulta daitezke.

Izena emateko kultur etxera gerturatu beharko da, astelehenetik ostiralera, 10:30etik 13:00etara edo 16:00etatik 20:00etara. Inprimakia beteta eraman beharko da eta ordainketak helbideratuta egingo dituzte. Gazte txartela dutenek, erretiratuek eta familia ugaria direnek hobariak izango dituzte.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

BATAK BESTEA DAKAR


EGIN ATARIKIDE!