Naia Amondarain txirrindulari ibartarra Munduko Txapelketan ari da parte hartzen, junior mailan. Atzokoan erlojuaren aurkako proban parte hartu zuen, 36. postuan amaituz. «Oso gogorra egin da, batez ere ibilbidearengatik», esan du Amondarainek. «Dena gorabeheraz betetakoa zen. Bihurgune arriskutsu batzuk ere bazeuden, eta gainera pixka bat bustita zegoen, beraz, kontu handiz joan gara erorketarik ez izateko».
Ez badu sentsazio ona izan ere, «sufrimendu horren barruan, gozatu egin dut eta horrekin geratzen naiz», esan du txirrindulari ibartarrak. «Postuari ez diot hainbeste begiratzen, azkenean Munduko Txapelketak dira, eta argi dago izugarrizko maila dagoela. Beraz, esperientziarekin geratzen naiz». Bigarren eta azkeneko proba ostiralean izango du Amondarainek, errepidekoa, hain justu.
Junior mailako erlojuaren aurkako proban parte hartu du txirrindulari ibartarrak.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!