XXXVIII.San Bartolome saria jokatu da, gaur goizean, eskualdeko hainbat herritan. Hain zuzen, Ibarran hasi da; Alegiatik igaro eta Ordiziatik bi buelta eman dituzte; Altzora igo dira, hortik, Karmeldar elizatik barrena, Txaramara joan dira; eta lasterketa Ibarran bertan amaitu da. Jubenil mailako proba izan da, eta guztira, 84 txirrindularik hartu dute parte.
Sailkapenei dagokienez, Lizarte taldeko Mikel Retegirentzat izan da lehen postua, Bellota taldeko Xabier Isasarentzat bigarrena eta Fundacion Lintxu taldeko Daniek Moralesentzat hirugarrena. Mendiko sailkapenean, Xabier Isasi izan da nagusi eta Lizarte Ermitagañarentzat izan da taldekako lehen postua.