Abuztuaren 24a ospatzeko hamaika modu izango dira, baina modu horiek guztiek bat egiten dute bidean: Ibarrako plazan. Urteroko moduan, Ibarrako piperrak eta tomatea dastagai izan dira gaur ere eta, hitzordua baino lehen ilara luzeak osatu dituzte ibartarrek, jaiak dastatzeko plateren bila. Eguzkiaz babesteko, ilaran aterkia baliatu duenik ere izan da.
Udaletxe aldameneko aterpea izan dute sukalde, eta erromesaldi gastronomikoari ekiteko 70 kilotik gora piper prestatzekoak zirela azaldu du sukaldarietako batek; horiek amaituko balira, gehiago ere baziren prest.
Mokadutxoa egiteko garaiak bat egin du haur danborradaren amaierarekin eta, eguraldia irribarrerik handienarekin zutela, festa-argazki idiliko bilakatu da Ibarrako plaza. Eguna handiak, ordea, ez dira oraindik amaitu: gaur hitzordu zerrenda dute, eta bihar kuadrilla eguna ospatuko dute.