Galdu ezin den hitzordua izaten dute ostegunero Ibarra Martxan taldeko kideek. Elkartu eta lagunartean ibilaldi bat egiteko aitzakia ederra izan dute gaur arte. Uda iristearekin bat, etenaldia egingo dute, datorren urrira bitarte.
Ostegunero 40 lagun inguruko taldea bildu ohi da ibilaldia egiteko. Norbanako, talde eta eragile askoren laguntza izaten dute guztia antolatzeko. Besteak beste, Bizi Nahi elkartea, Garagune, Ilarki, Uzturpe Ikastola, Merkatarien elkartea, San Bartolome parrokiako gaixoen pastorala eta Ibarrako osasun etxearena.
Gaurko paseoan, Gizarte gaietako zinegotzi berriak, Nagore Zubillagak hartu du parte. Ikasturteari amaiera emateko, Garaguneko lagunek hamaiketakoa eskaini diete parte hartzaile guztiei eta festa giroan amaitu dute ikasturtea.
