Maiatzeko azken asteburuan Euskadiko Amateur Txapelketa jokatu zen Durangoko Landako Kirol Gunean. Belabietako jubenil A, Kadete K1 eta K2 taldeek parte hartu zuten bertan. Bakarka, aldiz, Kadete A mailan Inko Oruesagasti eta Kadete B mailan Olaia Garziarena eta Olaia Plazas lehiatu ziren. Belabietatik Inko Oruesagastiren lana azpimarratu dute, domina lortu baitzuen mazoekin, 3. sailkatuz, Guztira 9. postua lortu zuen. Kadete B mailan, Olaia Plazasek uztaian 12. egin zuen eta mazoekin 17. Olaia Garziarenak 17.a lortu zuen uztailan eta 15.a mazoekin. Taldeka, jubenil A mailan Belabietako taldeak 8. postua eskuratu zuen. Kadete K1ek 5.a eta kadete K2ak 22.a.