Kultura eta Gazteria arloko norgehiagokako diru laguntzen deialdia argitaratu berri du Ibarrako Udalak. Herrian kultura sustatzeko lan egiten duten elkarte eta eragileei zuzendutako diru-laguntzak dira eta bi modutakoak izan daitezke: urte osoko programazioa egiteko diru-laguntza edo ekintza puntual bat egiteko diru-laguntza.
Ibarran egoitza edo ordezkaritza iraunkorra duten eta irabazi asmorik gabeko izaera duten pertsona fisiko edo juridikoak, publiko zein pribatuek egin dezakete diru laguntza hauen eskaera. Jarraitu beharreko oinarriak eta eskaera orria Ibarrako Udalaren webgunean aurki daitezke.