Kartzelaren gordina ezagutzen

Boro kazetaria izan zen atzo gaztetxean, errepresioa eta sare sozialak gaia aztertzen. Armiarma operazioaz hitz egin zuen La Haine-ko kazetariak.

Ibarrako gaztetxean kartzela jardunaldiak antolatu dituzte aste honetan, gazte asanbladak eta amnistiaren aldeko mugimenduak elkarlanean. Atzo izan zen lehen solasaldia, eta gaur ekingo diote bigarrenari. Gaur, 18:00etan, Katia Reimberg preso ohia, emakumea eta kartzelaren inguruan arituko da.

Ostegunean, Segoviako ihesaldia dokumentala eskainiko dute, 19:30ean. Larunbatean, berriz, sistema kapitalistan kartzelak dituen funtzioak izango dituzte hizpide, 11:30ean, eta bazkaria egingo dute ondoren, Xeplan. Tiketak Atarin eta Zubiaurren eskura daitezke, 8 euroren truke. 17:30ean, mahai ingurua izango dute, Xeplan bertan, herriko preso ohien esperientzia partekatzeko. Iluntzean, afaria izango dute gaztetxean, eta gauean zehar Selektorsk taldearen musika entzun ahal izango da.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

BATAK BESTEA DAKAR


EGIN ATARIKIDE!