San Inazio auzoan eman diete hasiera Uzturpe Ikastolako ikasleek Zuhaitz Egunari. San Inazio 8 etxebizitzaren atzealdean, bidegorriaren ondoan, loretoki berri bat jarri du udalak, eta Ainhoa Alonso Ibarrako Udaleko ingurumen teknikariak eta Arkaitz Fraile zinegotziak eman dituzte beharrezko azalpenak. Lorezainen laguntzaz, LH3 eta LH4 mailako ikasleek 23 zuhaitz landatu dituzte.
Bestetik, Azkue kaleko 01087 lursailean, pinudia zegoen sailean, Chataignier Ederra motako zuhaitzak landatu dira, aurrez, hazia zabaltzen joateko. Gaztainondo mota hori, gaitzak jotzen ez duen mota bat da. Gaur, ordea, Uzturpeko LH 5 eta LH6 mailako ikasleek zaku bana jarri diete eguzki izpietatik babesteko. Izan ere, eguzki izpiek azala erretzen diete eta altxa egiten zaie.