San Inazio auzoan hasiko dira Zuhaitz Eguna ospatzen. San Inazio 8 etxebizitzaren atzealdean, bidegorriaren ondoan, loretoki berri bat jarri du udalak. Zuhaixka batzuk landatu nahi dituzte eta LH3 eta LH4 mailako ikasleak arduratuko dira lan hori egiteaz. 10:00etan ekingo diete lanei.
Bestetik, Azkue kaleko 01087 lursailean, pinudia zegoen sailean, Chataignier Ederra motako zuhaitzak landatu dira hazia zabaltzen joateko. Gaztainondo mota hori, gaitzak jotzen ez duen mota bat da. Orain, ordea, zaku bat jarri nahi zaie eguzki izpietatik babesteko. Izan ere, eguzki izpiek azala erretzen diete eta altxa egiten zaie. Zakuak jartzeko, beraz, Uzturpe Ikastolako LH 5 eta LH6 mailako ikasleen laguntza izango dute, 11:15etik aurrera.