Gizonezkoak 600 kilotan lehiatu ziren, bigarren jardunaldian. Hurrengoa finala izango da. Aurreko bi jardunaldietako puntuek ez dute balioko, beraz. Berrizen Beti-Gaztekoak nagusitu ziren, 7 punturekin. Bigarren Ñapurrak sailkatu zen, 6 punturekin. Gaztedi eta Muruetak 4,5 lortu zituzten eta Ibarrak, bosgarren, 3 puntu. Berriozar eta Antsoain geratu ziren atzetik, bi puntu eta bakarrarekin. Jardunaldi erabakigarria, finala, otsailaren 23an jokatuko dute Txurdinagan, Bilbon.
Emakumeak ere lehian ibili ziren Berrizen, 500 kilotan. Lehen jardunaldiko tiraldiak izan ziren eta Gaztedi izan zen indartsuena, 6 punturekin. Jarraian, Badaiotz (5), Txantrea (4), Beti-Gazte (3), Ibarra (2) eta Antsoain (1) sailkatu ziren. Bigarren jardunaldia larunbatean jokatuko da, eta ibartarrek puntu gehiago pilatzen saiatu beharko dute; emakumeetan ez da finala jokatzen, hiru jardunalditan bildutako puntuak batzen dira.