Atzo gauean jokatu zen Ibarrako kanporaketa, Xepla Elkartean. Javi eta Aristondo izan ziren txapeldun, finalean Txantxani eta Haritzi irabazi ondoren. Hirugarren postua Valen-Egüesek lortu zuten.
Euskal Herriko Mus Txapelketaren kanporaketak eskualdeko herri askotan jokatzen ari dira. Atzo Ibarraren txanda izan zen. Hamaika bikotek eman zuten izena, eta kanporaketa bizi-bizia izan zen. Lehen hirurek sariak jaso zituzten, baina aurrera jarraitzeko txartela finalera iritsi zirenentzat izan zen.
Gaur goizean Iruran jokatu da herriko kanporaketa, eta arratsaldean, Orendain, Tolosa, Bidania-Goiatz eta Amasa-Villabonan izango dira partidak.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?