Ibarran erosteak sari potoloa du

Ibarran erosteak sari potoloa du

Ibarrako Merkatarien Elkarteak hiru sari potolo zozketatuko ditu herrian bertan erosten dutenen artean. Abenduaren 4an egingo da zozketa.

Aurtengoa "urte ona" izan da Ibarrako Merkatarien Elkartearentzat, izan ere, festetako pregoia emateaz gain, herriko beste eragileekin elkarlana eta harremana sendotu dituzte.  Besteak beste, erosketak etxera eramateko proiektua jarri dute martxan.
 
Hori guztia ospatzeko, hiru sari potolo banatu nahi izan dituzte Ibarrako dendetan erosten dutenen artean. Lehen sariak, 7 gaueko kruzeroa eskaintzen du Mediterraneoan barrena; bigarrenak, bizikleta bat eta Iriarte jatetxean bi lagunentzat afaria; eta hirugarrenak, 50 pulgadako Philips telebista eta Hika txakolindegian bi lagunentzat bazkaria.
 
Sariak ikusgai daude Zugasti dendak utzitako erakusleihoan abenduaren 4ra bitarte, izan ere, egun horretan emango dituzte jakitera irabazleen izenak.
 

Auzia ez da izan ala ez izan. Kontua ekitea da. Atarikide egitea, euskararen aldeko hautua egitea, zure herrian gauzak antolatzea, horren berri ematea, etxetik plazara salto egitea. TOLOSALDEKO ATARIA egiten duzun hori da. Egiten duzun neurrian gara.


EGIN ATARIKIDE!