Sei aizkolari ariko dira lehian, eta horien artean Jexuxmari Mujika ibartarra egongo da.
Finala Iurretako (Bizkaia) pilotalekuan jokatuko da, igandean, 12:00etan. Juan Jose Lopez Azpilikueta, Luis Txapartegi, Aratz Mugertza, Arkaitz Jauregi eta Jose Antonio Etxeberria izango dira ibartarraren aurkariak. Finalera pasatzeko kanporaketan Mujikak laugarren egin zuen. Igandean, aizkolari bakoitzak sei pago enbor ebaki beharko ditu: bi kana erdiko, bi 60 ontzako eta bi oinbiko.
Euskal Herriko Bigarren Mailako Aizkolari Txapelketaren finala ikusi nahi duenak 15 euroko sarrera izango du.