Udalak azaldu duenez, «arau hori onestea beharrezkoa da landa bideak eta baso pistak kaltetuak izatea ekiditeko». Izan ere, arau horren helburua udal titulartasuneko baso pisten eta herri bideen «erabilera berezia» arautzea da.
Hori horrela, gai honen inguruan herritarren parte hartzea ahalbidetzeko, iritzi eta proposamenak egiteko hamabost egunetako epea zabaldu du udalak. Epea urriaren 19ra artekoa izango da. Iritzi eta proposamenak egiteko ingurugiroa@ibarra.eus helbidera idatziz edo Ibarrako udaletxeko harreran idatziak aurkeztuz egin daiteke.
Ibarrako Udalak herri bideen eta baso pisten erabilpena arautzen duen ordenantza onartu nahi du. Ordenantzarekin, landa bideek eta baso pistek dituzten izaera eta ezaugarri bereziak kontuan hartuta, ibilgailuekin erabili ahal izateko arau orokorrak ezarriko dira egoera berean geratuko direla bermatzeko.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!