Hilaren 28a izango da lantegietan izena emateko azken eguna. Kultur etxera jo behar da horretarako, 10:30etik 13:00etara edo 16:00etatik 20:00etara. Joskintza, sabel dantza, egur taila, ehoziriak, altzarien zaharberritzea eta konpontzea, pintura, eskulanak eta liburuak azaleztatzea zein scrapbookinga lantzeko tailerrak eskainiko dituzte.
Ikastaroen prezioetan hobariak jasoko dituzte gazteek edo familia ugariek, beharrezko dokumentazioa aurkeztuz gero. Izen-ematea egiterakoan jarraitu beharreko pausoen berri emango diete herritarrei.
