Asteazkenean, hilaren 19an estraditatuko dute Maite Aranalde ibartarra. Eta hurrengo egunean, epaileak erabakiko du Sotoko espetxean utziko duen edo kalera aterako den. Berri handirik ez dute egoeraren inguruan, ezjakintasunean daudela adierazi du Jokin Aranalde aitak: "Oraindik dei bakarra ere ez dugu jaso, Fresnesera eraman dutela bakarrik dakigu". Kartzeletako "krudelkeria" salatu nahi izan du aitak. Egoera horren aurrean, eskualde mailako manifestazioa egingo dute asteazkenean 19:30ean plazatik hasita. Eta hurrengo egunean, ostegunean, batzar informatiboa egingo dute Ibarra sarreran epaileak erabakitakoa herritarrei kontatzeko. Izan ere, Maiteherriratuz dinamikako kideak ez daude ados Maite Aranalde Espainiaratzearekin, etxean nahi baitute, Ibarran nahi dute. Hala, gaur eguerdian, bere aldeko argazki jendetsua atera dute herriko plazan dagoen zubian.