Ibarrako Azoka eta Piparra

Emeterio Arrese:

Tolosaldeko XXI. Ezti lehiaketa eta erleen inguruko erakusketa eta elikagaien postuak jarriko dira.  

Frontoia:

Euskal Herriko XIV. Lehiaketa gastronomikoa egingo da. Lehiakideek sei gilda eta Ibarrako piperra osagai nagusia duten beste 6 pintxo egin beharko dituzte. Lehiaketan, maila handiko epai mahaikideak izango dira: Hilario Arbelaitz (Zuberoa, Oiartzun), Matias Gorrotxategi (Julian Erretegia, Tolosa), Juanjo Mendioroz (Kritikari gastronomikoa, Donostia) eta Saioa Martinez (Martinez jatetxea, Ordizia).

Arane iturriaren inguruan, herriko ganaduzaleek euren animaliak erakusgai izango dituzte.

San Bartolome:

Artisauak, argazki erakusketa, pintura tailerraren erakusketa, gorputz margotzea…

Plazako aterpea:

Euskal Herriko Pipar Topaketa. Ibarrako ekoizleak, Gernikako Piperra, Pikilloa, Ezpeletako piperra, Biper eztia eta txoko gastronomikoa izango dira, eta baita piperrak nola zintzilikatu ikasteko tailerra ere.