Aparkalekuen norantza lekuz aldatu dute asfaltatze lanak egindako eremu horretan, aparkeluen zabalera handitzearekin batera. Horri esker, segurtasun baldintzak hobetu direla azpimarratu du udalak, izan ere, autoak atzeraka aparkatu beharko dira.
«Ohiturak aldatu bitartean, deserosoa izan daitekeen arren, epe luzera hobekuntzak ekarriko ditu; aparkalekutik kotxea ateratzerakoan gidariak erraztasun eta ikusgarritasun gehiago izango du eta aurrean izan ditzakeen oinezko, txirrindulari edo beste ibilgailuekin talka arriskua gutxiagotuko da. Gainera, espaloitik maleteroa irekitzeko aukera ematen du».
Funtzionamendu egokia bermatzeko, aparkaleku horien aurrean marra jarraia jarriko da errepidean, Tolosatik datozen ibilgailuak zuzenean ez sartzeko. Bestalde, zamalanentzako espazioa mantendu da eta horien aurrean marra ez zuzena mantenduko da.