Pablo Laso euskal selekzioko hautatzaileak gaur eman du ezagutzera Barakaldo Hiria txapelketa jokatzeko aukeratu dituen jokalarien zerrenda. Tartean da Gaizka Maiza Gipuzkoa Basketeko jokalari ibartarra.
Txapelketa horretan, 20 urtez azpiko Espainiako, Alemaniako eta Frantziako selekzioak izango dituzte aurkari. Hilaren 29an jokatuko dute lehen neurketa, alemaniarren aurka. Hurrengo egunean Frantzia izango dute aurkari, eta uztailaren 1ean jokatuko dute azken neurketa, Espainiaren kontra.
Maizaz gain, Javi Salgado, Ricardo Uriz, Mikel Uriz, Aitor Zubizarreta, Mikel Sainz de la Maza, Iker Salazar, Jorge Bilbao, Xabi Beraza, Jon Ander Aranburu eta Borja Mendia sartu dira Lasoren deialdian.
Ez da selekzioarekin ariko den lehen aldia. 2016an Venezuelako selekzioaren aurka jokatu zuen. Aurrez, 20, 19 eta 18 urtez azpikoen selekzioarekin ere jokatu izan du.