Ibarrako Udalak ireki du jada San Bartolome jaietako esku programarako azala eta kartela aukeratzeko lehiaketa. 16 urtetik gorako edozeinek aurkeztu ditzake lanak, baina bakoitzak gehienez bi lan aurkeztu ahal izango ditu. Lanak ekainaren 15a 13:00ak baino lehen aurkeztu behar dira Ibarrako kultur etxean.
Lan guztiek Ibarrako jaiak 2018 leloa izan beharko dute eta era berean, Ibarrako jaiekin zerikusia duen ezaugarriren bat edota irudiren bat izan beharko dute.
Generoaren irudikapenean erabilitako irudiek oreka izan beharko dutela ere esan dute, «rol eta estereotipo tradizionalak azpimarratu gabe, eta sexu, arraza, adin, kultura edo sexu aukeren arloan desberdintasunen tratamendu gutxiesgarria ekidinez», esan du udalak.
Sari bakarra banatuko dute, 300 eurokoa, eta lehiaketara aurkezten diren lanak jendaurrean erakutsi ahal izango dira. Saririk jasotzen ez duten lan originalak aurkeztutako leku berean jaso ahal izango dira uztailaren 9tik 13ra, 10:00etaik 13:00etara. Udalak erabakiko du zer egin jasotzen ez diren lan guztiekin.
Ekainaren 15a da esku programaren azalerako eta kartelerako lanak aurkezteko azken eguna.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!