Ainhoa Intxaurrandieta eta Iñaki Errazkinen kasua jendarteratzeko Euskal Herriko 40 bat herritan ari dira hitzaldiak eskaintzen. Irailean epaituko dituzte Ainhoa Intxaurrandieta, aurreko legealdian Gipuzkoako Hondakinen Kontsortzioko lehendakaria izandakoa eta Iñaki Errazkin, garai horretan Ingurumen diputatua zena. 2013. urteko azaroan Zubietako erraustegiko lanak gelditzeko GHK-k, Gipuzkoako Foru Aldundiak eta enpresa eraikitzaileek akordio historikoa sinatu zuten. Erabaki horrengatik zigortu nahi dituzte eta ondasun pertsonaletatik 100 milioi euro eskatzen dizkiete.
Hitzaldietan erraustegiaren kasuko gertakizun zehatzak izaten dituzte hizpide; ustelkeriarekin lotutako gertakizunak, lapurtutako ordenagailuaren eta suntsitutako dokumentazio kasuak, bankuekin egindako tratua...