San Inazio auzoaren 50. urteurrena ospatzeko ekitaldi bereziak antolatu nahi ditu udalak eta hori dela eta, bilerak egiten ari dira. Horietako azkenekoan argazki erakusketa bat egitea adostu zuten eta horretarako herritarrei garai bateko argazkiak, jaietako egitarauak, egunkarietako albisteak eta abar kultur etxera eramateko eskatu dute. Era berean, kultura@ibarra.eus helbidera bidaltzeko aukera ere eman du udalak.
Urteurrena ospatzeko bilera gehiago ere egingo dituzte, eta hurrengoa otsailaren 16an izango da, 20:00etan, Bizi Nahi elkartean.