Urte zahar egunez, arratsaldeko 16:00etan hasita, San Bartolome plazatik abiatu dira korrikalari guztiak. Lehenengo, haurrak atera dira, eta ondoren, berriz, helduak. Gazteenek 300 metrotako ibilbidea egin behar izan dute, eta geroz eta helduagoak zirenak, metro gehiagoko lasterketa osatu dute. Hala, infantil milakoek, 1.800 metro burutu behar izan dituzte lasterka. Helduenek, aldiz, 5.400 metrotako ibilbidea osatu behar zuten.
Hori bai, guztiek, eguraldi txar bati aurre egin diote. izan ere, gogotik egin du euria lehen lasterketatik amaierara bitarte, eta horrek ere zerbait baldintzatu du partaide kopurua. Aurten, seigarren aldiz ospatu dute lasterketa hau ibartarrek, eta beste edizioetan bezala, parte hartzaileak saritu nahi izan dituzte, irabazleen gainetik. Horrela, behin lasterketa guztiak amaitu ondoren, zenbait kamiseta eta gozoki zozkatu dituzte. Antolatzaileek, bestetik, opariak ere banatu dituzte korrikalari guztien artean.