Volvo Ocean Race 2017-18 lasterketaren hirugarren etapa Mapfre ontziak irabazi du. 14 eguneko lasterketa ondoren, igandean iritsi ziren Melbourneko helmugara lehen postuan. Bertako patroia da Xabi Fernandez ibartarra.
Garaipen honekin sailkapen nagusian lehen postuan dago Fernandezen ontzia.
Hego Afrikan hartu zuten parte hartzaileek hirugarren etapako irteera. Dongfeng eta Mapfre-ren arteko lehia ikusgarria izan da. Parean ibili dira bi ontziak, eta azkenean, ibartarrarena gailendu da.
Laugarren etapa urtarrilaren 2an hasiko da, Australian. Volvo Ocean Race-ko ontziak Hong Kong-era heltzea izango dute helburu.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!