Kiroldegia berritzeko lanak egin dira eta sauna erabilgarri dago jada, Ibarrako Udaletik jakinarazi dutenez. Lan horien ondorioz, ia urtebetez itxita egon da hidromasaje putzua ere. Segurtasuna bermatzeko azken lanak falta dira, baina baranda jartzean eta uraren froga kimikoak egindakoan prest egongo da erabiltzaileentzat.
Spa putzuaz eta saunaz gain, hainbat hobekuntza egin dira azken hilabeteetan. Kantxako argiteria berritu da; horrela, Led sistemako 34 argi jarri dira energia eta argi kontsumoa murrizteko. Kantxako markagailua ere berritu da eta gelako aireztapena, zoladura eta leihoak ere aldatu dira. Horretaz gain, emakumeen behe solairuko aldagelako sabaia ere berritu da.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!