2018 ekitaldiko udal zerga araudiaren gaineko kontsulta publikoa abiatu zuen Ibarrako Udalak eta ekarpenak jasota, datorren osoko bilkuran izango dute eztabaidagai. Behin osoko bilkuran onartuta emango diote behin betiko onarpena udal zerga eta tasei, eta horien artean bada aldaketarik.
Besteak beste, trakzio mekanikodun ibilgailuen tasari %1,6ko igoera ezartzea aurreikusi dute, «gastu publikoa euste aldera», esan du udalak. Era berean, zaborrak bildu eta deuseztatzeko tarifa guztiei %10eko igoera ezartzea jasotzen du alkatetza dekretuak, «zerbitzua defizitarioa delako». Udal kiroldegiko urteko abonua %10 igotzea ere jaso dute, hau ere defizitarioa delako.
Bada ere indargabetuko luketen tasarik; espaloietan barrena finketan sartzea eta bertatik ateratzea arautzen duena. «Garrantzi gutxikoa da eta arazoak sortzen ditu», esan dute. Ondorioz, bide publikoa aparkaleku esklusiborako erreserbatzea arautuko lukete.