Urteak dira Ibarrako Udalak energia kontsumoa murrizteko eta argi-kutsadura gutxitzeko neurriak hartzen dituela. Helburua argi edukita, hainbat neurri abiarazi dituzte. Besteak beste, energia gutxiago kontsumitzen duten bonbillak jarri dituzte eta argiteria kopurua ere murriztu dute saltoki gehiago dituzten kaleetan soilik utziz eta argiak piztuta dauden ordutegia eta iraunaldia ere murriztuz. Honez gain, Gabonetan ohikoak diren argi eta apaingarrien inguruan ere kontsumo arduratsua bultzatzen dute 2010. urteaz geroztik.
Apaingarriak materiak birziklagarriekin egiten dituzte eta horretarako Uzturpe ikastolako ikasleen eta Goienetxe Fundazioko erabiltzaileen laguntza izaten dute.
Apaingarri jasangarriak egiten dituzte argiteriako energia kontsumoa murriztu eta bide batez, materialen berrerabilpena sustatzeko. Aurten ur botila handiak behar dituzte apaingarri horiek egiteko eta udalak herritarren laguntza eskatu du botilak biltzeko. Ur botila huts handiak azaroaren 17a arte bilduko dituzte udaletxean bertan, 09:00etatik 14:00etara.
Ur botila huts handiak behar dituzte; azaroak 17a bitarte eraman behar dira udaletxera, 09:00etatik 14:00etara.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!