Ibarrako piperraren postua jarriko dute urriaren 28 eta 29an Ezpeletan (Lapurdi) ospatuko den Biper Festan.
Herriko ekoizleek, Hauspoa kultur elkarteak, 789 elkarteak eta Ibarrako Udalak jarriko dute postua. «Azken urteetan festa horretan Ibarrako piperrak izan duen arrakasta ikusita, aurtengoan ere bertaratzeko erabakia hartu da», esan du udalak.
Herriko eragileek eta udalak ibartarrak animatu nahi dituzte Ezpeletara eta hori dela eta, autobusa ere antolatu dute. Urriaren 29rako antolatu dute autobusa eta izena urriaren 20a baino lehen eman behar da. Autobusak plaza mugatuak dituenez, izena lehenbailehen emateko eskatu dute.
Izena kultur etxean eman behar da, bertaratuz edo 943 67 03 99 telefono zenbakira deituz. Autobusa 08:00etan aterako da eta 19:00etan itzuli.
Egun pasa egin nahi dutenek 10 euro ordaindu beharko dituzte garraioaren eta piperraren elastikoaren truke eta autobusean bertan ordaindu beharko da. Eguneko otordua norberak eraman beharko du.
Ekoizleek, Hauspoak, 789k eta udalak Ibarrako piperrak eramango dituzte Ezpeletara; autobusa antolatu dute.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!