Auzolanean bada hobeto

Ataria 2017ko urr. 7a, 14:47

Ibarrako Azkue auzoan jai eguna dute gaurkoa. Seigarrengoz ospatzen ari dira Azku Eguna, eta ohi bezala, auzoko musikarien kalejirarekin eman diote hasiera ekitaldiei.

Auzolana da Azku Eguneko berezitasuna. Auzolanean antolatzen dituzte ekitaldiak, auzolanean egin eta auzolanean bildu. Auzoa egin nahi dutela diote eta bazkari xume batekin hasi zenak hartu du forma.

Bazkarian 200 bat pertsona bilduko dira eta bazkalosterako ere badituzte hamaika ekitaldi aukeran. Bingoa izango dute lehenik eta auzoan Gaztezulo gaztelekua dutenez, bertan eskulanak egingo dituzte. Txoborro magoaren ikuskizuna 17:30ean izango da eta 19:30ean Ziribulio Sounden kontzertua izango da. Zezen suzkoarekin amaituko dute aurtengo Azku Eguna.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!